MAGMALIPAYON ANG TANAN

MAGMALIPAYON ANG TANAN

(JOY TO THE WORLD)

D 2/4 (C)

I

MAGMALIPAYON ANG TANAN,

NATAWO NA SI JESUS!

ANDAMAON ANG TANAN KARON

PAGDAWAT MAN SA HARI TA,

MAG-AWIT ANG TANAN,

ANG YUTA’G LANGIT MAN;

MAG-AWIT, MAG-AWIT ANG TANAN.

II

MAGMALIPAYON ANG TANAN,

NAGHARI SI JESUS!

ANG MGA BUKID UG WALOG,

ANG KAPATAGAN MAN USAB.

SA AWIT MOSABAT,

SA AWIT MOSABAT;

SA AWIT, SA AWIT MOSABAT.

III

ANG KASAL-ANAN NGA TANAN,

LANGKATON NI JESUS!

ANG MGA PANALANGIN N’YA,

MODANGAT SA TANANG DAPIT,

PAGLAGLAG SA SALA,

PAGLAGLAG SA SALA,

ISANGYAW, ISANGYAW SA TANAN.

IV

SA GUGMA MAGAHARI S’YA,

SA NASUD NGA TANAN!

ANG KATARUNGAN NGA HINGPIT,

ANG GUGMA NGA KAUOY N’YA

ISANGYAW SA TANAN,

ISANGYAW SA TANAN;

MAG-AWIT, MAG-AWIT ANG TANAN.

O JESUS, HINGPIT NGA GUGMA

O JESUS, HINGPIT NGA GUGMA

(LOVE DIVINE)

Bb 4/4 (A)

I

O JESUS HINGPIT NGA GUGMA

UG KALIPAY SA TANAN,

KASINGKASING NAMO PUN-A

UG PANALANGINI NA.

MALULOY-ON KA, O CRISTO

GUGMANG PUTLI MAN IKAW;

GIHATAG MONG KALUWASAN

SA TANAN NGA KATAWHAN.

II

O ESPIRITU SA GUGMA,

ANG NASAMOK LIPAYA;

ANG TANAN NAGMASULOB-ON

PAPAHULAYON MO MAN.

ANG KAIBUG NGA YUTAN-ON

O JESUS, PAPASON MO;

UG SA DAYONG KAGAWASAN

AMONG GILAUMAN KA.

III

IMONG SAAD MAMATUMAN

NGA KAMI HINLOAN MO;

ANG DAKU MONG KALUWASAN

AMO MAN NGA MAKIT-AN.

HIMOA KAMI GINOO,

SAMA SA HIMAYA MO;

HANGTUD NGA DIDTO SA LANGIT

AMONG PAGADAYGON KA.

IYA AKO NI JESUS

IYA AKO NI JESUS

(Now I Belong To Jesus)

Ab 4/4 (F)

I

SI JESUS NAHIGUGMA KANAKO,

GIKAN KANIYA WAY MAKAAGAW;

ANG KINABUHI GIHATAG N’YA,

IYA NA KO KARON.

CORO

IYA AKO NI JESUS,

UG AKO SI JESUS;

DI KAY SA KATUIGAN LANG,

SA KAHANGTURAN MAN.

II

AKO NAGLUNANG MAN SA KASALANAN,

SI JESUS NAGDALAG KALUWASAN;

SA KAULAWAN GIBANGON KO,

IYA NA KO KARON.

III

KALIPAY MIBAHA SA KALAG KO,

GILUWAS KO N’YA SA KAULIPNAN;

IYANG DUGO MAOY NAGTUBOS,

IYA NA KO KARON.

MATINUMANON KA

MATINUMANON KA

(GREAT IS THY FAITHFULNESS)

Eb 3/4 (D)

I

MATINUMANON KA, DIOS AMAHAN KO!

DILI GAYUD MABALHINON IKAW;

DI KA MOPAKYAS SA IMONG KALUOY,

SA KAHANGTURAN DI KA MAUSAB.

CORO

“MATINUMANON KA! MATINUMANON KA!”

NAGAPADAYON ANG KALUOY MO;

GIHATAG MONG AKONG GIKINAHANGLAN,

MATINUMANON KA, GINOO KO.

II

ANG ADLAW, BULAN UG KABITUONAN,

ANG PAGPUGAS INGON ANG PAG-ANI;

NANAGHIUSA SA ILANG PAGSAKSI,

SA IMONG GUGMA UG KALUOY MAN.

III

KAPASAYLOAN UG DAYONG KALINAW,

UG ANG KANUNAY NGA PAGMANDO MO;

‘NAA KANIMO PAGLAUM, KUSOG KO,

ANG PANALANGIN MO AKO GAYUD.

ANG ATONG DIOS MAKAKAGAHUM

ANG ATONG DIOS MAKAKAGAHUM

(GOD’S MIGHTY WONDERS)

Eb 3/4 (D)

I

ANG ATONG DIOS MAKAGAGAHUM,

NAGBUHAT SA MAKITA TA!

ANG MGA DIOS-DIOS SA KATAWHAN,

SA IYANG TINGOG MAPUKAN.

GILUGTAS N’YANG MGA GAPUS,

ANG NANGAWALA GILUWAS.

II

ANG KUTA SA PAGDUHADUHA,

BUNTOGON MAN SA PULONG N’YA;

MGA MAISUG NGA KAAWAY,

KANIYA MAGTUGYAN SILA.

ANG MAKAHINLO NGA DUGO,

ANAA LAMANG KANG JESUS.

III

IYANG KATAWHAN NAGPADULONG,

SA GANGHAAN NGA LANGITNON;

UBAN ANG SINGGIT, PANAG-AWIT,

ANG HARI GIBAYAW NILA.

UG MAKAANGKON PANG UBAN,

SA GUGMA’G KADAUGAN N’YA.

IV

PAGDAYGON KA, AKONG GINOO,

KONG MADUNGGAN ANG TINGOG MO;

“TAN-AWA! ANAANG GINOO,”

“MAGKUHA SA PINILI N’YA.”

O ADLAW MAN SA PAGMAYA,

KAY GIPAABUT KO IKAW.

GINAHALAD MO BA ANG TANAN?

GINAHALAD MO BA ANG TANAN?

(IS YOUR ALL ON THE ALTAR)

F 3/4 (D)

I

GIPANGANDOY MO BA ANG KALINAW SA DIOS?

SA KANUNAY NAG-AMPO KA BA?

IMO NGA MAANGKON ANG PAHULAY’NG DAYON,

KON IHALAD ANG IMONG TANAN.

CORO

GINAHALAD MO BA ANG TANAN KANG JESUS?

BISAN ANG KASINGKASING MO?

MAY PAHULAY IKAW, UG KALINAW USAB,

KON IHALAD ANG IMONG TANAN.

II

KON MOKUYOG IKAW SA GINOONG JESUS,

PULONG N’YA MAO ANG SUGA MO;

SUNDA ANG IYA NGA KABUBUT-ON SA DIOS,

UG IHALAD ANG IMONG TANAN.

III

DI MAANGKONG MGA PANALANGIN SA DIOS,

NGA KANATO GINAANDAM NA;

HANGTUD ANG KINABUHI UG ANG KALAG TA,

IGAHALAD TA N’YA ANG TANAN.

IV

DI MATUKIB ANG GUGMA G’YUD N’YA NI JESUS,

NGA KANATO GIBUBO SA DIOS;

DIHA LANG KANG JESUS MAKIG-AMBITAY TA,

KON IHALAD ANG ATONG TANAN.

KON MANLAKAW KITA

KON MANLAKAW KITA

(TRUST AND OBEY)

F 3/4 (F)

I

KON MANLAKAW KITA

KUYOG SA GINOO

MAHIMAYAON ANG DALAN TA

S’YA PABILIN GAYUD

MAG-UBAN KANATO

SA TANAN NGA NAGSALIG KANIYA

CORO

LAUMAN TA,

UG TAHURON ANG DIOS;

WA NAY LAING MAHIMO,

NGA IGABULAHAN.

II

MAITOM ANG DAG-UM,

NGA MIKAYLAP KARON;

MADALI NIYANG PAGPALAON

WA GAYUY KAHADLOK,

UG PAGDUHADUHA,

KON MOSALIG, TOMAHOD SA DIOS.

III

DI MATAGAMTAMAN,

ANG DAKU N’YANG GUGMA,

HANGTUD NGA IHATAG ANG TANAN;

KAY ANG GIHATAG N’YA,

NGA KALIPAY’NG TIM-OS,

ALANG SA MAY PAGSALIG NIYA.

SA DIOS ANG HIMAYA

SA DIOS ANG HIMAYA

(TO GOD BE THE GLORY)

Ab 3/4 (F)

I

SA DIOS ANG HIMAYA KAY GUGMA SIYA,

KANATO GIHATAG NIYA SI JESUS;

ANG ATO NGA SILOT GIBAYRAN NIYA,

MAGKINABUHI KITA SA DAYON.

CORO

DAYGON TA SI JESUS! PASIDUNGGAN SIYA;

DAYGON TA SI JESUS! MAGMALIPAYON TA;

ANG DALAN SIYA NGADTO SA AMAHAN,

SIYA HIMAYAON KAY GAMHANAN MAN.

II

KAL’WASAN NGA HINGPIT TUNGOD SA DUGO,

GISAAD SA DIOS SA MGA MAGTOO;

ANG MAKASASALA PASAYLOON N’YA,

SA TAKNA GAYUD NGA MOSALIG SIYA.

III

ANG ATONG KALIPAY ‘NAA KANG JESUS,

NGA NAGBUHAT SA MGA DAGKUNG BUTANG;

APAN ANG KALIPAY TANG DILI TUPNGAN,

MAO ANG PAGBALIK SA GINOO TA.

ANG KINABUHI KO MATAG GUTLO

ANG KINABUHI KO MATAG GUTLO

(DAY BY DAY)

E 4/4 (D)

I

ANG KINABUHI KO MATAG GUTLO,

MAY KUSOG BATOK SA PAGSULAY;

KAY NAGSALIG KO SA AMAHANG DIOS,

NGA NAGPALA SA KAHADLOK KO;

SI JESUS GAYOD ANG MALULUY-ON;

NAGAHATAG SA LABING MAHAL;

‘NAA S’YA SA AKONG KAGUL-ANAN,

S’YANG KALIPAY UG PAHULAY KO.

II

MATAG ADLAW IYA KONG KUYOGAN,

SA MALULOT MAN NGA GRASYA N’YA;

UG ANG AKONG MGA KASAKITAN,

IYA NGA GIANGKON ANG TANAN;

SI JESUS RA ANG LABING GAMHANAN,

SA MGA MAHAL NIYANG ANAK,

SA KALIG-ON IYA KONG HATAGAN,

KAY KINI MAO ANG SAAD N’YA.

III

UG KARON BULIGI KO, GINOO,

SA MGA PAG-ANTOS KONG TANAN;

ANG PAHULAY UG ANG MGA SAAD,

‘NAA SA BALAANG PULONG MO;

TALIWALA SA MGA PAG-ANTUS,

MODANGOP GAYUD KO KANG JESUS,

HANGTUD NGA AKO MAHIABOT NA,

SA PULOY-AN NGA GISAAD MO.

DIDTO UNYA SA LANGIT

DIDTO UNYA SA LANGIT

(When We All Get to Heaven)

Db 4/4 (A)

I

ANG KALUOY N’YA UG GUGMA,

NI JESUS AWITON TA;

KAY UNYA SA KALANGITAN,

MAY INANDAM NGA DAPIT.

CORO

DIDTO UNYA SA LANGIT,

O PAGKA-MALIPAYON TA GAYOD;

KUYOG MAN KANG CRISTO,

ISINGGIT TA ANG PAGDAUG.

II

SAMTANG SA PAGPANAW NATO,

DAGHAN MGA KALISOD;

KONG MATAPUS NA ANG PANAW,

ANG KASAKIT MAWALA.

III

PAGTUMANONG SUGO NIYA,

UG S’YA ALAGARON TA;

KONG MAKIT-AN NA SI CRISTO

MAY PAHULAY NA KITA.

IV

PADAYONON TANG PAGKAB-OT,

SA GIANDAM NGA GANTI;

KAY ANG KATAHUM NI CRISTO,

UNYA MAN MASUD-ONG TA.

GRASYANG KAHIBULONGAN

GRASYANG KAHIBULONGAN

(Wonderful Grace of Jesus)

Db 4/4 (c)

I

Grasyang kahibulongan sa akong Ginoo,

Mas labaw pang gamhanan sa kasal-anan ko;

Ang silot ko gikuha, may kagawasan na,

Kay nadawat ko na ang grasya ni Jesus!

CORO

Kahibulongang grasya ni Jesus,

Lalum pa kay sa kadagatan;

KATINGALAHAN ANG GRASYA N’YA ALANG SA TANAN,

LABAW PA SA AKONG KALAPASAN,

BISAN PA SA KASAL-ANAN KO;

DAYGA ANG BILILHONG NGALAN NI JESUS,

DAYGA SYA!

II

Grasyang kahibulongan sa akong Ginoo,

ANG NAGBUGTO KANAKO SA TALIKALA KO;

WALAY PAGKA-ULIPON KAY LUWAS NA AKO,

KAY NADAWAT KO NA ANG GRASYA NI JESUS!

III

Grasyang kahibulongan sa akong Ginoo,

NAGHATAG UG KALINAW NGA DILI MAHANAW;

ANG KINABUHING DAYON AKO NGA NAANGKON,

KAY NADAWAT KO NA ANG GRASYA NI JESUS!

ANG SUGA MO PASIGAA

ANG SUGA MO PASIGAA

(Let the Lower Lights Be Burning)

Bb ¾ (G)

I

ANG KALUOY SA GINOO,

SA PARULA NAGSIGA;

UG KANATO GINATUGYAN,

ANG PAGBANTAY SA SUGA.

CORO

ANG SUGA MO PASIGAA,

NGADTO SA MGA BALUD;

KAY ADUNAY NANGALUNOD,

KINAHANGLAN LUWASON.

II

ANG KANGITNGIT MIKUYANAP,

NAGHUROS NA ANG UNOS;

ANG MATA SA NANGALUNOD,

NAGPANGITA SA SUGA.

III

ANG SUGA MO PASIGAA,

SA MAPINTAS NGA BALUD;

ANG MGA GIANOD-ANOD,

NAGPANGITA’G DUNGGOAN.

PAGTOO MAOY PAGDAOG

PAGTOO MAOY PAGDAOG

(FAITH IS THE VICTORY)

I

MGA SUNDALO NI JESUS PANINDOG NA KAMO.
ANG AWAY PADAYONON TA SAMTANG MAY ADLAW PA.
PAGSUKLAN TA ANG KAAWAY SA BUG6OS NGA KUSOG,
PAGTOO MAOY PAGDAUG NING KALIBUTAN TA.

CORO
ANG ATONG PAGSALIG, ANG ATONG PAGTOO,
MAOY MAKABUNTOG SA YUTAN-ON NGA GAHUM.

II
ANG GUGMA N’YA BANDILA TA, ESPADA PULONG N’YA
ANG DALANG TUL-ID SUNDON MAN SA MGA LINUWAS;
NAKADAUG SILANG TANAN TUNGOD SA PAGTOO,
PAGTOO ANG TAMING NATO, MAGMADAUGON TA.

III
MGA KAAWAY NAGLIBOT KANATO PAGLAGLAG,
TALIKDAN TANG KADAUTAN, ANG PANULAY SUKLAN,
KAMATUORAN IBAKOS, KAL’WASAN ISUL-OB,
ANG KAYUTAAN MAUYOG NGA ATONG GITUMBAN.

IV
KANIYA NGA NAKADAUG IGANTI ANG KUPO,
NGALAN NIYA HIBALOAN SA KAHIMAYAAN;
KADASIG IPADAYON TA, ANG GUGMA MAN USAB,
DAG-ONG MGA KAAWAY TA SA NGALAN NI JESUS.

ANG KALAG KO MAY KAHAYAG NA

ANG KALAG KO MAY KAHAYAG NA

I
ANG KALAG KO MAY KAHAYAG NA,
UG KALIPAY NGA BUG-OS;
ANG KANGITNGIT AKONG LIKAYAN,
SUGA KO SI JESUS.

CORO
MAY KAHAYAG NGA BULAHAN,
UG KALIPAY NGA HILABIHAN;
NAWONG NI HESUS ANG NAGSIDLAK,
ANG KALAG KO HAYAG NA.

II
ANG KALAG KO NAGAAWIT NA,
UG NAGDAY’G SA HARI KO;
NANIMATI SI JESUS KARON,
SA ALAWITON KO.

III
ANG KALAG KO MAY KABAG-O NA,
KUYOG MAN SA GINOO;
MAY KALINAW’NG KASINGKASING KO
NAHANAW’NG KAGUOL.

IV
ANG KALAG KO MAY KALIPAY NA,
MAY PAGTOO GUGMA MAN;
ANG MAHAL NGA PANALANGIN N’YA,
KANAKO GIHATAG.

ANG MAY GAHUM NA SI JESUS

ANG MAY GAHUM NA SI JESUS

I
ANG MAY GAHUM NGA SI JESUS,
SIMBAHON SA TANAN;
PURONG-PURONGAN MAN SIYA,
GINOO SA TANAN;
PURONG-PURONGAN MAN SIYA,
GINOO SA TANAN;

II
KABITOONAN NGA TANAN,
TAHURON NINYO S’YA;
UG HIMAYAON TA SIYA,
GINOO SA TANAN;
PURONG-PURONGAN MAN SIYA,
GINOO SA TANAN.

III
MAKASASALANG GILUKAT,
SA IYA NGA DUGO;
SIYA ANG ATONG YUKBOAN,
GINOO SA TANAN;
PURONG-PURONGAN MAN SIYA,
GINOO SA TANAN.

IV
ANG KALIWATAN NGA TANAN,
NING KALIBUTAN TA;
SIYA HALARAN SA DUNGOG,
GINOO SA TANAN;
PURONG-PURONGAN MAN SIYA,
GINOO SA TANAN.

SI CRISTO MAO ANG BATO

SI CRISTO MAO ANG BATO

I
ANG HINGPIT NGA PAGLAUM KO,
ANAA LMANG KANG HESUS;
AKONG LAWASNON NGA KUSOG,
DI MAGPULOS KUNG WA SIYA.

CORO
SI CRISTO MAO ANG BATO,
MALIG-ONG BARUGANAN KO,
MAUNLOD KO KON WA SIYA.

II
BISAN KANGITNGIT MOABOT,
SA GRASYA N’YA MOSALIG KO;
BISAN ANG BAGYO MOHUROS,
SINIPIT KO DI MATARUG.

III
ANG SAAD UG ANG PULONG N’YA,
SA BAGYO SALIPDANAN KO;
UG KON MALUYA KING KALAG,
MOSANGPIT KO KANIYA LANG.

IV
UG KONG MOBALIK NA SIYA,
ANDAM AKO SA PAG-UBAN;
KAY ANG KATARUNG NI JESUS,
AKO KARUNG NABATUNAN.

IMO MAN AKO, O GINOO KO

IMO MAN AKO, O GINOO KO

I
IMO MAN AKO, GINOO KO,
NADUNGOG KONG TNGOG MO;
GITUDLOAN KO NGA SA GUGMA MO,
MAKADUOL MAN AKO.

CORO
O JESUS IPADUOL AKO,
SA NAMATYAN MO NGA KRUS;
O JESUS IPADUOL NIMO AKO,
SA HAMILING KILID MO;

II
GAHINA JESUS, UG SANGKAPI KO,
ALANG SA BULUHATON;
PUN-A SA GUGMA UG SA GRASYA MO,
UG IKAW PAGSUNDON KO.

III
MALIPAYON MAN ANG PAGDUOL KO,
SA PAG-AMPO O JESUS;
KAY AKO INGON SA HIGALA MO,
NAKIGSULTI KANIMO.

IV
ANG GUGMANG HINGPIT DILI MASABTAN,
HAGTUD NGA MAKITA KA;
ANG KALIPAY’NG HINGPIT MAANGKON KO,
HADUOL LANG KANIMO.

GINOO KOTA NGA LIG-ON

GINOO KOTA NGA LIG-ON
(A MIGHTY FORTRESS IS OUR GOD)
D 2/4 (C)

I
GINOO KOTA NGA LIG-ON,
ANG SALIPDANAN TA SIYA;
SA KAGUOL, SA KASAKIT,
IYA KITA PAGTABANGAN.
KAY ANG KAAWAY TA,
NANGITA’G PAAGI NGA MAPUKAN KITA,
MALIGUTGOTON S’YA,
SA YUTA WAY MAKASAMA.

II
KON ANG KUSOG TA SALIGAN,
ANG PANLIMBASUG KAWANG LANG;
GAWAS KON S’YA DAPIGAN TA,
KITA MAPILDI MAN GAYUD.
KINSA KINI KAHA?
SI JESU-CRISTO S’YA
GAMHANAN SA TANAN,
UG DILI MABALHIN, SA GUBAT MODAUG S’YA.

III
KONG DAGHANG MGA PANULAY,
DILI MAGAKAHADLOK TA;
KITA MANGISUG KAY ANG DIOS,
NAGSAAD NGA S’YA MODAUG.
ANG YAWA NAGDUMOT, DI MAGKAHADLOK TA;
UG PAGASUKLAN S’YA,
SIGURONG MAPUKAN, KON PULONG SA DIOS SALIGAN.

NAGASALIG

NAGASALIG
(STANDING ON THE PROMISES)

I.
NAGASALIG KO SA SAAD NI JESUS,
DAYGON KO SYA HANGTUD SA KAHANGTURAN;
AKONG KINABUHI GIHARIAN N’YA
UG SA SAAD N’YA NAGSALIG KO.

CORO
NAGASALIG,
ANG SAAD SA GINOO GISALIGAN KO;
NAGASALIG,
ANG SAAD N’YA AKONG GISALIGAN

II.
NAGASALIG KO SA SAAD NI JESUS,
BISAG HULGAON AKO SA KALISUD;
ANG KAHADLUK UG KAKULBA MAHANAW,
UG SA SAAD N’YA NAGSALIG KO.

III.
NAGASALIG KO SA SAAD NI CRISTO,
KAY SA GUGMA N’YA NAHIDUGTONG AKO;
UG MAY KADAUGAN KO MATAG ADLAW,
UG SA SAAD N’YA NAGSALIG KO.

IV.
NAGSALIG KO SA SAAD NI CRISTO,
KAY KINI WALA GAYUY PAGKAPUKAN;
SUNDON KO ANG MANDO SA ESPIRITU,
UG SA SAAD N’YA NAGSALIG KO.